தலவிருட்சம்.

ஒவ்வொரு கோயிலிலும் ஒவ்வொரு மரமும் சிறப்பாக அமையப் பெற்றிருக்கம் . அதுவே தல விருட்சம் எனப்படும். குறிப்பாக சிவாலயங்களில் கொன்றை, வில்வம், கல்ஆல், போன்ற மரங்களும், முருகன் ஆலயங்களில் வேங்கை, மா போன்ற மரங்களும், அம்மன் ஆலயங்களில் வேம்பு, அத்தி முதலிய மரங்களும் அமைந்திருப்பது வழமை. இவையும் தெய்வீக சக்தி கொண்டவையே.

இவ்வாலயத்திலும் நூற்றுக்கணக்கான வருடங்கள் பழமை வாய்ந்த மருதமரமொன்று அமைந்துள்ளது. இவ்வாலயத்தின் வரலாறும் சக்தியும் மகிமையும் அற்புதமும் இந்த மரத்தை வணங்கினால் போதும். கோவில் தேவை இல்லை. கோவில் எதற்கு என்ற பக்தர்களுள் கேள்வி எழுவது புரிகிறது. உன்மை அதுதான்.

ஆஞ்சநேயர் மிக நீண்டகாலமாக இந்த மரத்திலே வாசஞ்செய்து வருகின்றார். ராம்ஜி சுவாமிகள் மூலம் பஞ்சமுக ஆஞ்ச நேயர் இந்த மரத்தில் எழுந்தருளப் பண்ணப்பட்டிருக்கின்றார். ஒவ்வொரு பௌர்ணமி தினத்திலும் ஒன்பது சுமங்கலிப் பெண்களால் அபிசேகம் செய்யப்படும், பட்டுச்சாத்தி விசேட பூஜை நடைபெற்று வருகின்றது. இம்மரத்தில் பிரத்தியட்சமாக பஞ்சமுக ஆஞ்சநேயர் தோன்றி அருள் பாலிக்கின்றார்.

அத்துடன் ஆஞ்சநேயர் ராம்ஜி சுவாமியிடம் 27 நம்சத்திரங்களுக்கும் உரிய 27 மரங்களையும் இவ்வாலய வளவில் நட வேண்டும் என திருவாய் மலர்ந்தருளியதற்கமைவாக 27 நட்சத்திரங்களுக்குரிய மரங்களும் இங்கே நடப்பட்டு ள்ளன. அவையும் இவ்வாலயத்தின் மகிமை பொருந்திய தலவிருட்சங்களே.